"Xətti funksiya və onun qrafiki” mövzunun izahına "funksiya” sözünün araşdırılmasından başlamaq əlverişlidir.

 "Funksiya” latıncadan tərcümədə (funtio-latın sözüdür) icra, fəaliyyət mənasını verir. "Funksiya” sözünü riyaziyyata ilk dəfə Leybnis(1646-1716) daxil etmişdir.

Funksiyanın kəmiyyətlər arasındakı asılılıq olduğunu nəzərə alaraq dərsdə şagirdlərlə birlikdə təfəkkür və elm arasındakı asılılığı araşdırdıq.  Aydın olur ki, şagirdin bilik qazanmaq funksiyası onun təfəkküründən asılıdır. Təfəkkür burada arqument, bilik isə təfəkkürdən asılı olaraq qavranılan elmdir. Sonra funksiyanı riyazi anlayış kimi izahını veririk.