Mövzunu konstruktiv təlimlə tədris etdim. Dərsdə ədəd anlayışının genişlənməsindən və kompleks sözünün izahından kompleks ədədlər çoxluğunu  aldıq. Keçmiş biliklərə əsaslanaraq kompleks ədədlər üzərində əməlləri yerinə yetirdik.
Əvvəlcə sinfi qruplara ayırıb, həqiqi, kompleks, ədəd və  virtual adlandırdım. Qrupa ayrılmamışdan əvvəl şagirdlərə kartlarda sual payladım. Suallar məntiqi və ya riyazi idi. Şagirdlər cavablara görə qrupunu tapdı. Səhvlərini özləri düzəltdilər. Mən nəzarət etdim.
Kartlardan nümunə.
1)   {...-2, -1, 0, ½, 1,...} U {..., √3, √5, √7,...} =
2)   Müvəffəqiyyət əldə etmək üçün necə biliyə sahib olmaq lazımdır?
3)   ƏBOB(7,15) = 1
4)          Bir ailənin üç üzvü dünya səyahətinə çıxmağı planlaşdırdı. Baba, ata və nəvə. Baba qoca idi. Xəyalən gəzdi. Ata pul toplamağa başladı. Nəvə İnternetdən istifadə etdi. Sizcə hansı səyahət daha real idi?
Sinfin təşkilindən sonra mövzunu araşdırdıq.
Sual: Ədəd anlayışını necə başa düşürsünüz?
Cavab:

1) Ədəd varlıqların miqdarını göstərir.
2) Ədəd varlıqların say xarakteristikası üçün istifadə olunan anlayışdır.
3) Ədədlə kəmiyyətlərin ölçüsü müəyyən olunur.
4) Ədədlər çoxluqlar yaradırlar.
Sual: Ədədlər hansı çoxluqları yaradırlar?
Cavab:
1) Natural ədədlər çoxluğunu-N
2) Tam ədədlər çoxluğunu-Z
3) Rasional ədədlər çoxluğunu-R
4) Həqiqi ədədlər çoxluğunu-Q.
Tapşırıq: Natural ədədlər çoxluğunu pillə-pillə həqiqi ədədlər çoxluğuna qədər genişləndirin.
Cavab:
1) Sayma zamanı istifadə olunan ədədlər natural ədədlərdir. "0" natural ədəd deyil. Ən kiçik natural ədəd 1-dir.
N={1,2,3,4,5,...,n}
2) Natural ədədlər çoxluğunu 0 və natural ədədlərin əksi ilə genişləndirdikdə tam ədədlər çoxluğunu alırıq.
{1, 2, 3, 4,...}U{...,-4, -3, -2, -1, 0}=Z
3)Tam ədədlər çoxluğunu m/n şəkilli rasionnal ədədlərlə genişləndirdikdə rasional ədədlər çoxluğunu alırıq.
Z U {m/n, m € Z, n € N}=R
4) Rasional ədədlər çoxluğunu irrasional - kök altından tam ədəd kimi çıxa bilməyən ədədlərlə( √3, √5, √7,...) genişləndirdikdə həqiqi ədədlər çoxluğu alınır.
R U{ √3, √5, √7,...} = Q
Tapşırıq: x² + 1 = 0 tənliyini həll edin və kökün hansı çoxluğa aid olduğunu göstərin.
Həll: x² + 1 = 0
         x² = -1
         x = ±√-1 tənliyin kökü yoxdu.
Orta məktəb kursunda köklər haqqında məlumat verilərkən tək dərəcəli köklərdən bir, cüt dərəcəli köklərdən əks işarəli iki kök çıxdığı deyilir. Cüt dərəcəli kökdən mənfi ədəd çıxmadığı qəbul edilir. Əslində kökaltında kökün dərəcəsi qədər ədəd var. Mənfi ədəd də kökaltından xəyali ədəd kimi çıxır. Belə ədədi ədədlər çoxluğunda göstərmək üçün ədəd anlayışını genişləndirmək və kompleks ədədin tərifini vermək lazımdır.
Tənliyin kökü var və kompleks ədəddir deyirəm. Kompleks haqqında fikirlərini soruşuram.
Sual: Kompleks sözünü necə başa düşürsünüz?
Cavab:
1) Kompleks nəyə görə isə utanma, çəkinmədir
2) Ticarət, heyvandarlıq, yaşayış kompleksi olur
3) Kompleks mualicə aparılır
4) Fənlər kompleks halda tədris olunur
Müəllimin şərhi: Kompleks birdən çox hissədən ibarət olan və bu hissələrin bir-biriylə əlaqəli olduğunu göstərən bir bütündür. Maddi cəhətdən baxdıqda müəyyən varlıqların cəmidir. Psixoloji cəhətdən xülyadır. Kompleks ədəd bu iki cəhətin hər ikisini özündə birləşdirir.
i² = -1 ( i xəyali vahiddir)
√-4 = √-1*√4 = √i² * √4 = ±2i xəyali ədəddir. i-ni daxil etdikdən sonra həqiqi ədədlər çoxluğu ele genişləndirmək lazımdır ki bütün ədədlər yeni yaranan kompleks ədədlər çoxluğunda olsun və əməllər ödənsin. Bu z = a + bi şəklidir.